Mizoram Governor hlui Lt. Gen. MM Lakhera a boral
Kum 88-a upa Lt. Gen. (Rtd) MM. Lakhera hi Mizoram Larsap 11-na niin kum 2006 July 25 atanga kum 2011 September 1 inkar chhung khan Mizoram Larsap hna a chelh a, tunhnaiah taksa lam harsatna avangin Dehradun-a damdawi In pakhatah enkawl niin niminpiah khan a thi a, nimin khan Uttarakhand-a Haridwar-ah vuiliam a ni. Lt Gen (Rtd.) Madan Mohan Lakhera hi October 21, 1937 khan a piang a, sipai-a a tan lai pawhin chawimawina hrang hrang a lo dawng tawh a, Puducherry leh Andaman and Nicobar Islands-ah Lieutenant Governor hna a chelh hnuah Mizoram Governor hna a chelh leh a, Mizoram District a tlawhchhuak hman vek a ni.
Governor hlui Lt. Gen. (Rtd) MM Lakhera hi sawrkar hotulu hrang hrangin an ui thu an sawi a, Larsap General (Rtd) Vijay Kumar Singh chuan hnathawk tha, midangte ngaihsak thin leh khawtlang hmasawnna atan theihtawp chhuah thin a nih thu a sawi a. Chief Minister Lalduhoma pawhin mipuite ngainat hlawh tak leh hnathawk tha a nih thu sawiin, Home Minister K. Sapdanga pawhin Mizoram Larsap ni tawh zinga Mizo mipui ngainat berte zinga mi a nih thu a sawi bawk.