Kumin-ah Chhiah cheng vbc. 381 hmu tling tawh

Zonuna Kawlni (LENKAWL) • July 16, 2026 • Comments • Mizoram

Mizoram sawrkara Taxation Department chuan kumin sawrkar kum kal mek 2026-27 a thla thum (April-June) chhunga Chhiah chi hrang hrang a hmuh chu Rs. 3,81,75,11,872 a tling tawh.

Taxation Department tarlan danin kum kal mek a April atanga June chhunga Chhiah hmuhna tam ber chu GST niin Rs. 2,73,02,78,648 hmuh a ni tawh a. Profession Tax-ah Rs. 1,78,07,082 hmuh ni tawh bawkin Sales Tax-ah Rs. 78,41,33,001, Road Maintenance Cess-ah Rs. 14,26,10,969 hmuh ni a ni bawk a, Chhiah hmuhna dang (others)-ah Rs. 71,2024 hmuh a ni bawk. Taxation Department in April, 2026-a Chhiah an hmuh zawng zawng chu Rs. 2,09,30,61,056 a tling a, May, 2026-ah Rs. 92,51,49,119 an hmuh bakah June, 2026-ah Rs. 79,93,01,696 an hmu bawk a ni.

Taxation Department-in kum liam ta, kum 2025-26 chhunga Chhiah a hmuh zawng zawng zat chu Rs. 12,78,55,13,765 a tling a, hei hi kum 21 chhunga Chhiah hmuh tam ber kum a ni a. Taxation Department tarlan danin kum liam ta chhunga Chhiah hmuh zinga Rs. 9,31,62,76,931 chu GST atanga hmuh a ni. Hetihlai hian Taxation Department hian kum 2024-25 chhung khan Chhiah chi hrang hrang atangin Rs. 11,49,81,88,170 an hmu bawk a. Sawrkar kum kalta chhung khan April, 2025-ah Chhiah hmuh tam berin hemi thla hian Rs. 1,79,51,94,242 hmuh a ni a, sum hmuh tlem ber thla, August, 2025-ah Rs. 73,85,45,328 hmuh a ni bawk.