IPR P&S Minister hovin DIPR Conclave 2026 neih a ni
Aizawl Zonuam-a Angel’s Garden-a he hun hman ah hian IPRP&S Minister B. Lalchhanzova chuan Department hmasawn nana pawimawh hrang hrangte inpawhtlang taka sawihona, DIPR Conclave buatsaih a ni chu lawmawm a tih thu sawiin, Mipui rawngbawlna kawnga Department hrang hrangte hnathawh chu langtlang leh chak zawka kalpui a pawimawh hle tih a tarlang a, DIPR hotute chu mipuite beng pawimawh tak an nih avangin inchher hriam zel tur te, mahni leh mahni inel a mahni zawn theuha hmasawn tum zel turte a chahin, DIPR chu mipui leh Sawrkar Department zawng zawng ta an ni tih hre reng turin a chah bawk a, Conclave chu hlawk taka hmang theuh turin duhsakna a hlan a ni.
He hunah hian IPRP&S Secretary Betsy Zothanpari Sailo chuan Minister thahnemngaihna bawhzuia Department hmalak zel dan tur sawihona hun tha tak buatsaih a ni chu lawmawm a tih thu sawiin, a hlawhtlin theih nana tha thawhtute fakawm a tih thu leh DIPR Conclave chuan rah tha a chhuah ngei a beisei thu a sawi bawk. DIPR Conclave 2026-ah hian IPRP&S Secretariat leh Directorate of Information & Public Relations-a hotute telin Joint Director, Mina Zoliani Joute chuan a kaihruai a, Director K. Vanlalsangi'n kalkhawmte lawmna thu sawiin, DIPR hnathawh leh hmalak dan tur topic hrang hrangte chu Senior Officer-te hnen atanga ngaithlain sawihona neih a ni bawk.