Bolero Camper pahnih hlan

Zonuna Kawlni (LENKAWL) • July 18, 2026 • Comments • Mizoram

Mizoram Bana Kaih (Handholding) Scheme hnuaia Mizoram District Transformation Prog-ramme (MDTP) kaltlanga Lunglei District-a hriselna kaihhnawih hmalaknaa hman tura lei Bolero Camper pahnih chu nimin khan Lunglei Bawrhsap Navneet Mann-i chuan Lunglei District Senior Chief Medical Office kutah a hlan a. Heng motor leina atan hian Lunglei District Catalytic Fund atangin cheng nuai 21 dah a ni a. Lirthei lei tharte hi pakhat zawk chu District chhung hmun hrang hranga vaccine leh bungraw pawimawh phurh kual nan SCMO Office Lunglei-ah dah a ni anga, pakhat zawk chu Aspirational Block Lungsen-a Primary Health Centre (PHC)-a hriselna kaihhnawih tul hrang hranga hman atan dah a ni ang.