CIG&M Minister in Industrial Estate, Zuangtui tlawhin Industries Owner’s Association te a kawm

Commerce, Industries, Geology & Mining Minister F. Rodingliana chuan Zirtawpni tlai Zuangtui-a Industrial Estate tlawhin Industry hrang hrang - Plastic Tanky Industry, Handloom Industry, Water Bottling Plant, Toughened Glass siamna leh Tin Roof Industryte tlawhin an hnathawh te a endik.

Zuangtui-a Industrial Estate a tlawhna ah hian Minister hian Mizoram Industries Owner’s Association hruaitute chu thutkhawm neihpui nghalin MIOA hruaitute hian Industry hmangaihtu Minister an nei chu lawmawm an tih thu sawiin, Industrialist ten harsatna an tawh hrang hrangte an lo thlen a. Mizoram chhunga entrepreneurs ten Industry dinna tur ram an hmuh zawh tawhloh thu leh Industrial area awmsa te pawh encroachers ten an tihbuai avanga harsatna an tawh thu an thlen a, hei hian Central Scheme an claim-na thlenga a tihbuai thu sawiin, an buaina te chinfel sak turin an ngen bawk a ni

Industries Minister R. Rodingliana chuan Industrialist te’n an harsatna an sawi te chu Sawrkarin theihtawp chhuahin a ngaihtuah mek te a nih thu sawiin, Industrial area huamchhunga diklo taka ram neite chungah khauh taka hma an lak tur thu a sawi a. State tan Industry a hmasawnna pawimawh zia Sawrkarin a hrechiang a, Entrepreneur leh Industry hmasawnna atan environment tha siam turin theihtawp an chhuah reng thu a sawi bawk. He hunah hian Minister te CIG&M atangin Jt. Secretary H. Lalchhandami leh Addl. Director Lalhmunsiama bakah ZIDCO Managing Director L.P. Lalchangkima ten an tawiawm a ni.