Training on Digitization of Enumeration Forms neih a ni

Special Intensive Revision (SIR) 2026 kalpui mekah nimin khan BLO Apps-a Enumeration Forms ziahluh dan, ‘Training on Digitization of Enumeration Forms’ chu neih leh niin he Training hi District chhung hmun li (4)-ah neih a ni.
Serchhip District chhung Polling Station hrang hranga BLO leh Addl. BLO te tana ‘Training on Digitization of Enumeration Forms’ hi niminpiah-a Chhing-chhip leh Khumtung-a neih a nih hnuah nimin khan Serchhip, Thenzawl, East Lungdar leh North Vanlaiphai-ah te neih leh a ni a. Serchhip-ah chuan Serchhip DC Pisapui Hall-ah Training hi neih niin Serchhip Town chhung bakah Hriangtlang, Keitum, Bungtlang leh Sialhau Polling Station huamchhunga BLO leh Addl. BLO te an tel a. E. Lungdar-ah chuan BDO Office-ah neih niin E. Lungdar bakah N. Mualcheng, Leng leh Sailulak a BLO te an tel a; N. Vanlaiphai SDO (Civil) Office-a Training-ah North Vanlaiphai, Lungkawlh, Bawktlang, Sialsir, Lungchhuan, Chekawn Khawlailung leh Piler-a BLO leh Addl. BLO te telin Thenzawl SDO (Civil) Office-a Training neih ah Thenzawl bakah Buangpui leh Neihloh-a BLO te an tel bawk a. Rullam, Lungpho, Ngentiang, Thinglian, Hmunzawl leh Vanchengte ten an remchanna ah an zawm bawk a ni.

Special Intensive Revision (SIR) 2026 kalpui mekah hian Serchhip District chhunga Vote nei zawng zawngte hnenah Enumeration Form chu semchhuah vek a ni tawh a. Enumeration Form te hi inziaklut turte’n an dahkhah hnuah BLO te hnenah thehluh leh tur a ni a, BLO te hian Enumeration Form dahkhah tawh sa te chu ‘BLO App’ hmang hian Computer System-ah an thehlut (enter) leh vek dawn a ni.