AMC 4-na Executive Council Meeting thutkhawm hmasa ber nei

Aizawl Municipal Corporation (AMC) Term 4-na a Executive Council Meeting hmasa ber chu nimin khan Mayor H. Lalremtluanga kaihhruaiin a Pisa-ah neih a ni a, he hunah hian Deputy Mayor leh Executive Council Member te bakah Municipal Commissioner leh AMC-a Officer dangte an tel a ni.

    He thutkhawm ah hian Joint Municipal Commissioner Lalremruata Kullai chuan AMC dinhmun leh a hnathawh thin bakah, AMC in dan leh hrai a kenkawh hrang hrang a sawifiah a, Executive Council chuan AMC hmasawnnan a hmalakna tur chi hrang hrang leh felfai taka chak zawka hmalak dan turte, khawpui chhung enkawl kawnga hna a thawh dan tur pawimawh tak takte sawihoin hmalak dan tur ruahmanna an siam a. Aizawl khawpui chhung changkanna leh hmasawnna ruhrel hmel thar hmuh zel theih nan Ward Committee din dan tur leh chak zawka kalpui a nih theihna tur te sawiho a nih bakah zirchian ngai lai te lo zirchiang turin Study Team din rel a ni bawk.