Petrol leh Diesel atanga Cess lak hmanchhuah a ni tawh

Zonuna Kawlni /

Mizoram sawrkarin Petrol leh Diesel atanga Road Infrastructure Cess a lak atanga sum hmuh chu nikum December thla thleng khan Rs. 46,68,72,326 a tling tawh.

MNF Member Lalchhandama Ralte zawhna Finance changtu Chief Minister Lalduhoma'n ziak a a chhan danin kum 2024-25 sawrkar kum chhung (October 2024 leh March 2025 inkar) a Road Infrastructure Cess atanga sum hmuh zat chu Rs. 13,25,12,578 a ni a. Kum 2025-26 sawrkar kum (April 2025 leh December 2025) chhunga hmuh tawh zat chu Rs. 33,43,59,748 a ni bawk. Chief Minister sawi danin Road Maintenance Cess atanga sum hmuh atang hian cheng vbc. 15 chu 2025- 2026 sawrkar kum kal lai mekah hian Mizoram State Road Fund Board hnuaia kawng siam nan dah a ni a. A hmanna kimchang hi chu Mizoram State Road Fund Board kut a nih avangin Finance Department-in record a nei lo a ni.

Mizoram sawrkarin Petrol leh Diesel atang tho a Social Infrastructure and Services Cess a lak atanga sum hmuh zawng zawng chu nikum December thla thleng khan Rs. 46,68,72,326 tho a ni a. Heta sum tlingkhawm hi Department hrang hrang panga (5) hnenah semchhuah a ni a. Health & Family Welfare Department hnenah hriselna ruhrel tihchangtlunna atan cheng vbc. 3 pek a ni a. Social Welfare Department hnenah Hulhliap (Short Stay) senso atan cheng vbc. 1.50 bakah vantlang hnathawhna atana pawimawh senso hrang hrang atan cheng nuai 75 pek a ni a. Women & Child Development hnenah cheng nuai 75 pek a nih bakah Higher & Technical Education Department leh School Education Department hnenah cheng vbc. 1.50 ve ve pek a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »