Kum 2020-2025 ah Sangha Ton 27,114 tharchhuak; PMMSY 2.0 kalpui leh tum mek a ni

Zonuna Kawlni /

Kum 2020 atanga 2025 chhungin Mizoram-in Sangha ton 27,114 a tharchhuak.

Assembly Budget Session neih mekah Aizawl West-III Bialtu VL. Zaithanzama zawhna ziak a chhangin Fisheries Department changtu Minister Lalthansanga chuan kum 2020-21 khan Mizoram-ah Sangha Ton 4,504.31 tharchhuah a ni tih sawiin, kum 2021-22 khan Ton 4,757.55; kum 2022-23 ah Ton 5,229.85 tharchhuah a ni a. Kum 2023-24 ah Ton 5,470 chuang leh kum 2024-25 ah Ton 7,152.16 tharchhuah nia chhut a nih thu a tarlang a. Fisheries Department-in Mizoram luhka-ah te chhinchhiahna hmun a neih loh avangin Mizoram pawn atanga Sangha rawn lut zat chhinchhiah a nih loh thu a sawi bawk.

ZPM Member Jeje Lalpekhlua zawhna pawh chhangin Fisheries Minister Lalthansanga chuan Pradhan Mantri Matsya Sampada Yojna (PMMSY) Scheme chu tun dinhmunah a tawp ta tih pawh sawiin, “Central Sawrkar lamin Pradhan Mantri Matsya Sampada Yojna (PMMSY) 2.0 kalpui tumin hma a la mek a, hemi hnuaiah hian Sangha Dil laih tanpuina a awm leh ngei beisei a ni,” a ti a. Pradhan Mantri Matsya Sampada Yojna (PMMSY) Scheme bakah hian Handholding Policy leh DAJGUA (Dharti Aaba Janjatiya Gram Utkarsh Abhiyan) hmanga hmalakna kalpui zel a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »