Assam leh Mizoram ramri-ah Mizoram sawrkar a dinna ngaiah a ding tih Home Minister in a sawi

Zonuna Kawlni /

Home Department changtu Minister K. Sapdanga chuan Assembly Session neih mekah Mizoram leh Assam ramri chungchangah Mizoram sawrkar chu a dinna ngai ah a la din reng thu tarlangin, Mizoram-a Political Party leh All NGO-te pawhin lungrual takin an pawmpui niin a tarlang.

Assembly Session neih mekah hian ziaka zawhna chhangin Mizoram leh Assam ramri chungchangah Mizoram sawrkar lam dinna leh innghahna chu Cachar Inner Line of 1875 a nih thu Home Minister K. Sapdanga chuan tarlangin, “Assam hnuaia Mizoram District Council a nih lai kum 1958 - 1959 bawr vel daih tawh atang khan he dinna hi a la ngai reng a ni. Hetihlai hian Assam sawrkar chu March 3, 1933-a tarlan Inner Line of the Lushai Hills District hi hman atangin an dinna a la ni ve reng thung,” a ti a. Home Minister tarlan danin, Mizoram leh Assam ngaihdan a inan loh avang hian Mizoram sawrkar chuan hmalakna thahnem tak a neih tawh a. Sawrkar laipui pawh vawi engemaw zat a dawr tawh a. Chu bakah vawi duai lo State pahnih nen hian sawihona an nei tawh thin a. Sawrkar laipui pawhin he buaina hi hriatpuiin ramri buaina tifel tur leh tihfel thuai a nih theih nan hma pawh a lo la ve tawh thin a ni.

Ramri buaina hi tunhma atang tawha sawrkar laipui in a hriatpui tawh a nih avangin a hranpa-a hriattirna Mizoram sawrkar chuan a nei lo tih Home Minister chuan tarlangin, “July 8, 2019-a Council of Minister thukhawm chuan Mizoram sawrkar chu ramri chungchangah Cachar Inner Line of 1875 hi a pawm thar ni loin, a dinna ngai reng a la ni tih hriattir nawn lehin, Mizorama political party leh all NGO-te pawhin lungrual takin an pawmpui,” tih tarlan a ni.

Home Minister in a chhanna a tarlan a nih danin ramri buai chungchang sawiho tur hian inbiakna te pawh neih ni tawhin, Mizoram leh Assam ramri chungchangah boruak leh inlaichinna tha zawk neih chhunzawm zel a nih theihna atan November 25, 2025 khan Dholai, Cachar District-ah ‘Mizoram - Assam Border Cultural Festival’ chu hman a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »