Education Minister in SAfES a taka hman tan a ni tih a sawi

School Education Minister Dr. Vanlalthlana'n naupangten zirna tha zawk leh zawhna changkang zawk an neih theihna turin Standardized Assessment for Elementary Schools (SAfES) chu tun term tawp exam zawh tak atang khan a taka hman tan a nih thu a sawi.

Nimin-a Assembly thutkhawm zawhna leh chhanna hunah sawiin Education Minister chuan Mizoram-a School hrang hranga exam zawhna Level chu a inang lo hle a, zirtirtu thenkhatin lehkha phek chanve ah te zawhna an siam a, thenkhatin blackboard-ah te an ziak tih sawiin, naupang ten High School an kalin zirlaite thiamna a inthlauh tawh thin em avangin Mizoram puma sawrkar enkawl School leh Aided School-ah te SCERT-in SafES a kalpui chu tun term tawp exam neih zawh takah khan a taka hman tan a nih thu a sawi a, a changkangin a tha hle a. He hmalakna hi naupangten zirna tha zawk leh zawhna changkang zawk an neih theihna tura tih niin, nakum atang chuan pawl 3 atanga pawl 8 thleng kalpui an tum a, MBSE pawhin pawl 9-ah Standard Question an pechhuak dawn tih a sawi a ni.

Education Minister chuan Samagra Shiksha hnuaia thawktu atan Cluster Resource Centre-ah 15, Block Resource Centre (BRC)-ah14, District Project Office-ah 53, State Project Office-ah 32 lak an ni tawh a, an zinga 2 chu Advertisement lak niin, ZPM sawrkar hnua lak an nih thu House a hrilh bawk a ni.