Baktawng khua ah a thlawna inentirna buatsaih

Zonuna Kawlni /

Mizoram AYUSH Doctors Association (MADA) buatsaihin nimin khan Serchhip District-a Baktawng khua-ah a thlawna hriselna inentirna, Free Medical Clinic buatsaih a ni a, he hunah hian Baktawng leh a chhehvel khaw hrang hrang atangin mi 200 vel zet an inentir a ni.
 Baktawng Village Council-in Free Clinic buatsaihtute lo dawng-sawngin inentir hun hawn hma hian hriselna kawnga mipuite inzirtirna hun hman a nih bakah ramhmul damdawi chungchang zirtirna neih a ni bawk a. Hemi hnu hian inentirna neih chhunzawm nghal niin AYUSH Doctor 25 leh State Medicinal Plants Board (SMPB) leh MSACS atangin mi engemaw zat an thawkchhuak a. Mipui hriselna an enfiah bakah a thlawnin damdawi an sem nghal a, thisen test chi hrang hrang a thlawn leh man tlawm zawkin damlo mamawh te tan an tihsak bawk a ni.

Mizoram AYUSH Doctors Association chuan hetiang ang mipui tana rawngbawlna hi hmun hla zawkahte pawh chhunzawm zel an tum thu an sawi a, Mizoram mipuite hriselna kawngah theihtawp chhuah zel an tum thu an tarlang a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »