Sapthei chin ah beihpui thlak tum a nih thu Minister in a sawi

Horticulture Department changtu Minister C. Lalsawivunga’n Mizoram intodelhna hmanrua atan Sapthei chin beihpui thlak an tum thu a sawi.

Assembly thutkhawma zawhna leh chhanna hunah Horticulture Minister C. Lalsawivunga chuan Mizoram-a Sapthei chuan chungnun bikna riau an nei tih sawiin, State dang ten ching ve mah se Mizoram-a Sapthei tharchhuah te an tluk loh thu a sawi a, nikum atangin Pilot Project siam ni tawhin District hrang hrang Champhai, Khawzawl, Serchhip leh Saitual District bakah Aizawl District hmun thenkhat ah beihpui thlak a nih tur thu a sawi a, Mizorama Sapthei chin chu India ram hmundangah a awm ve loh avangin lam ram ei leh bar hmasawnna leh kuthnathawktute tan intodelhna hmanrua tha tak leh kawng pawimawh tak anih theih an beisei thu a sawi a, India ramah a Market a awlsam mai bakah khawvel huap pawh Market harsatna a awm loh avangin Mizoram ti hmingtha thei tur khawpa Sapthei ah hian beihpui thlak an tum thu a sawi a ni.

Hei bakah hian Post Harvest Management hnuaiah kuthnathawktute tan Pack House leh Preservation Unit chu thlai thar tamna District hrang hrangah dah sak vek tawh a nih thu Minister chuan a sawi a, sawrkar in thlai chi lei tura ruahmanna a siam mek thu sawiin, thlai chi lei nan hian cheng nuai 60 dah anih thu a sawi bawk.

Hei bakah hian nikum lama Cyclone Remal avanga thlai chingtuten harsatna an tawh chi hrang hrang phuhrukna atan NDRF atangin atan cheng nuai 29 leh SASCI atangin cheng vbc. 3 chuang zangnadawma an dawn tawh thu a sawi bawk.