Hmasawnna a thlen mek tih sawi

Zonuna Kawlni /

Mizoram Larsap General (Dr) Vijay Kumar Singh chuan Bairabi - Sairang Rel kawng hawn tak chuan hmasawnna a rawn thlen mek thu leh khualzin pawh nasa taka an pun phah thu a sawi.

'Ek Bharat Shreshtha Bharat' hmalakna hnuaiah niminpiah khan Mizoram leh Arunachal Pradesh-te State puitlinga hlankai champhaphak lawmna chu Aizawl Lok Bhavan-a Durbar Hall-ah hman niin he hunah hian Larsap chuan Mizoram leh Arunachal Pradesh-te chu India ram hmun pawimawh taka awm an nih thu leh Act East Policy-ah hmun pawimawh tak an chan thu a sawi a. Bairabi-Sairang Rel kawng hawn tak chuan hmasawnna a rawn thlen mek thu leh khualzin pawh nasa taka an pun phah thu sawiin, Mizoram chu India rama ziak leh chhiar thiam vekna State hmasa ber a nih thu a sawi a, Sawhthing khawpui 'Ginger Capital of India' atana puan a nih thu leh Arunachal Pradesh chu 'Land of the Rising Sun' tia hriat a nih thu sawiin, tui chakna hmanga kawlphetha siamchhuah theihna hmabak eng tak nei leh Kiwi avanga hriat hlawh a nih thu a sawi bawk. 

'Ek Bharat Shreshtha Bharat' programme hian India rama State leh Union Territory hrang hranga cheng hnam hrang hrangte ziarang leh nun-phung inang lo tak takte inkara inpawhna tha zawk siam leh an inkara inhriatthiam tawnna nasa zawk siam a tum a, he programme kaltlang hian India rama State leh UT hrang hrangte dinchampha phak (Foundation Day) lawmna chu Mizoram-a Lok Bhavan-ah Larsap kaihhruaiin kum 2023 June atang khan buatsaih tan a ni.

Northeast Areas (Reorganisation) Act, 1971 hnuaiah kum 1972 khan Mizoram chu Union Territory (UT) a puan a ni a. India ram Danpui siamthat vawi 53-na 1986 hmangin India ram State 23-na ni tura hlankai a ni. Arunachal Pradesh hi North-East Frontier Agency (NEFA) tih thin niin, kum 1972 khan Union Territory (UT) ah hlankai a ni a. February ni 20, 1987 khan India ram Danpui siamthat vawi 55-na 1986 hmangin India State 24-na a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »