District Council ramri lung phunna a dik lo tih sawi

Zonuna Kawlni /

Central Young Lai Association (CYLA) chuan Lai Autonomous District Council (LADC) leh Chakma Autonomous District Council (CADC) inrina lung an phunna chu a dik lo tiin BJP, Chakma Autonomous District Council (CADC) hruaitute chuan Larsap hnenah an thlen.

Chakma Autonomous District Council-a BJP hruaitu pahnih, President Duurjya Dhan Chakma leh Vice President Doyal Chandra Dewan te chuan nimin khan Larsap hi hmuin Lai Autonomous District Council leh Chakma Autonomous District Council ramri ni a an ngaih, Parva-I bula February 13, 2026-a Central Young Lai Association in ramri lung an phun chu a dik lo tih an sawi a, YLA-in ramri lung an phunna chu CADC chhung a ni tih sawiin, he hmalakna hian Lai leh Chakma inkara in unauna tha tak awm thin chu a tiderthawng thei niin an sawi a ni. 

Ramri dik tak chu Pawi-Lakher Autonomous Region (Re-Organization) Order 1972-ah chiang takin a inziak tih pawh sawiin, Survey Height Point 405-na Sanghatuilo lui chu ramri dik tak a ni tih an sawi a, hemi chungchangah hian ngun taka ramri diktak tichianga chhuifiah a nih theihnan leh CYLA-te'n Ramri lung an phun pawh phawi a nih theih nana hma la turin Larsap hi an ngen a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »