Bank in Loan la tur an hnawl thei lo tih sawi

Zonuna Kawlni /

Chief Minister Lalduhoma'n sawrkarin Mizoram Bana Kaih (Handholding) Scheme, 2024 hnuaia loan hmu tura a thlan tawhte chu Bank in hnawl tura thuneihna a nei lo tih a sawi.

Assembly Budget Session-ah East Tuipui Bialtu MLA Ramthanmawia'n Hand Holding Scheme hnuaia loan diltute Sawrkar in Guarantor-ah a tan sak hlawm em tih a zawhna chhangin Planning & Programme Implementation Department changtu, Chief Minister Lalduhoma chuan 'The Mizoram Bana Kaih (Handholding) Scheme, 2024' hnuaia loan diltute chu The Mizoram Credit Guarantee Fund Scheme for Micro and Small Enterprises 2024-in a huam chinah guarantor leh dahkham ngai lovin loan pek an ni tih a sawi a. Sawrkarin Mizoram Bana Kaih (Handholding) Scheme, 2024 hnuaia loan hmu tura a thlan tawhte chu Bank-in hnawl tura thuneihna a nei lo tih sawiin, loan dilna leh loan diltu chungchangah Bank lamin loan pek theih a nih loh chhan tur an hriat chuan Mizoram State Policy Coordination Committee-ah an thlen thei tih a sawi a ni. 

MSPCC (Apex Body) chuan uluk taka ngaihtuahin loan pek a nih loh chhan tur thu tlinga a ngaihte chu a chhan mumal taka ziakin Department hnenah reject turin a hriattir thin tih Chief Minister chuan sawiin, Chhan mumal tawk lo leh project (DPR) her rem ngai a nih chuan Department leh Progress Partner-ten siamtha in Bank-ah pek leh thin a ni tih a tarlang bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »