ASF vanga Vawk suat zangnadawmna tur pek niin Serchhip District-ah pawh sem thuai beisei a ni

Zonuna Kawlni /

African Swine Fever (ASF) avanga mahni ranvulhlai suattu te hnena zangnadawmna pekchhuahna hun chu nimin khan Animal Husbandry & Veterinary (AH&Vety) Department Minister C. Lalsawivunga hovin a Pisa-ah hman niin Serchhip District-ah pawh zangnadawmna pechhuak turin chak taka hmalak nghal a ni.
 Nimin-a Distribution & Launching of ASF Compensation hunah hian AH & Vety Minister C. Lalsawivunga chuan March ni 21, 2021-a Lunglei District chhung Lungsen khuaa ASF hmuhchhuah a nih atanga tun thleng hian kan ram economy sawi nghing dawt khawpin ASF avangin kum tin vawk thi leh suat a awm thin thu a sawi a. India Sawrkar laipui thupek angin Vawk suatte chauh hi sawrkar laipui bituk zat leh dan dinglai angin zangnadawmna, 50% Centrally Sponsored Scheme (CSS) leh State Matching Share (SMS) hmanga pek theih a nih thu sawiin, kum 2022-23 leh 2023-24 chhung khan zangnadawmna atana kan sum mamawh 25% (CSS & SMS) chauh kan dawn avangin zangnadawmna dawngtute hnenah 25% pek a nih thu a sawi a. Ranvulhtute hlohna a nasat avangin kum 2024 khan ASF chu Mizoram Sawrkarin State Disaster-ah puangin hemi atan hian ran thi (suat tel lovin) ralna, ran thi pakhat zelah Rs. 4000, ralna dawngtu pakhat zelah vawk 6 (paruk) chin huamin Mizoram chhungah ralna sum semchhuah vek tawh a nih thu a sawi a. Kum 2025 chhunga sum mamawhte chu 2026-27 Action Plan-ah dil mek a nih thu sawiin, 100% hmuh ngei theih nan chak taka bawhzui mek a nih thu a sawi bawk.

Kum 2024 chhunga ASF avanga Vawk suatte zangnadawmna hi a vaiin cheng nuai 1559.34 niin, Centrally Sponsored Schemes (CSS) leh State Matching Share (SMS) kaltlangin Central leh State Sawrkar tangkawpa semchhuah tur a ni a. Zangnadawmna sum hi a semna tur hmun District Officer-te hnen thleng vek tawhin, nimin February ni 23, 2026 khan Cheque emaw, Direct Beneficiary Transfer hmangin emaw zang-nadawmna dawngtu turte hnenah pekchhuah tan tura ruahman a ni bawk.

Vawk hri, African Swine Fever (ASF) avanga ran suatte hnena zangnadawmna pek tur hi rate bituk sa awmin Vawk pakhat zelah kg. 15 hnuailam tan Rs. 2,200/-; kg 15 leh kg 40 inkar ah Rs. 5,800/-; kg 40 leh kg 70 inkar ah Rs. 8,400/-; kg 70 leh kg 100 inkar-ah Rs 12,000/- leh kg 100 chunglam ah Vawk pakhat zelah Rs. 15,000/- a ni ang.

Serchhip District AH & Vety Officer, Dr. H. Vanlalrawna chuan zangnadawmna hi sem tura hma an lak mek thu leh hun rei lote ah pekchhuah nghal theih an beisei thu LENKAWL hrilhin, chhungkaw 1200 chuangin an dawng dawn niin a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »