YMA in kawng enfiah dawn

Central YMA President R. Lalngheta chuan Mizoram chak lakna kawngpui pawimawh Sairang leh Vairengte inkar kawng chhe nasa lutuk enfiah turin Vawiin hian Central YMA an thawkchhuak dawn tih a sawi. Central YMA hruaitute leh Mizoram Journalists Association hruaitute chu nimin khan Central YMA Committee Room-ah inkawmin he hunah hian Central YMA President R. Lalngheta chuan hian ramchhung inkalpawhna kawng pawimawh chhe nasa lutuk chu Central YMA inkhawmpui neih zawh takah pawh an ngai pawimawh zinga mi a nih thu sawiin, hemi bawhzui nan hian Vawiin khian Central YMA hruaitute chuan Sairang leh Vairengte inkar kawng an enfiah dawn tih a sawi a, Company tam tak te kawng siam tlo lo lutuk leh sum siamnan ringawta an hmang zel a nih chuan Mizoram chhuahsan mai se tih thlenga an ngaihtuah hial thu a sawi bawk. Hei bakah hian Central YMA President chuan ruihhlo do kawngah YMA leh MJA ten thawhhona tha an neih a tul hle tih a sawi bawk.