Heroin tam tham man thubuai-ah mi 2 te man an ni

Zonuna Kawlni (LENKAWL) • November 8, 2025 • Comments • Mizoram

Mizoram Police-in tum khata Heroin a man tam berna thubuai nia hriat, kumin August 23-a Saitual Police Station-a thubuai ziahluh kaihhnawih ah a meizang hlaptu ber nia hriat Joseph Lianthangpuia (42), Chanakya Place, New Delhi chu tun thla ni 5 khan Police ten Delhi-ah an man a, Mizoram rawn panpui mek a ni. He thubuai ah hian lirthei pakhat (MZ-01X-1909) Lalliancheua (20), Falam (Myanmar) khalh atangin Heroin kg 15 zet Police ten an man a ni. Hetihlai hian Zokhawthar-a Heroin No. 4 fir kg. 7.422 man thubuai kumin July 10-a ziahluh chhuina kal zelah a meizang hlaptu ber nia hriat Lalchhuanthangi (50), Khatla South, Aizawl chu Zokhawthar PS Team te chuan Special Bureau leh Delhi Police te tanpuina in tun thla ni 4 khan Delhi-ah an man bawk a, Court in phalna a pek tawh angin ani pawh hi Mizoram rawn panpui mek a ni bawk.