Tripura atanga Mizoram-a Gas pipeline phum turah km 28 vela thui phum a ni tawh

Zonuna Kawlni /

Tripura atanga Mizoram-a Gas Pipeline phum hna thawh mekah km 28 vela thui phum a ni tawh a, Supply Minister B. Lalchhanzova chuan Gas Pipeline phum hna hi chak zawka thawh a nih theih nan hotu lam te pawh dawr an nih dawn thu a sawi bawk.

North East Gas Grid (NEGG) hnuaia Tripura atanga Mizorama Gas Pipeline phum hna thawh mek hi Tripura-a Panisagar atanga tanin Mizoram-a Sihhmui thlenga phum tur a ni a, Tripura huamchhungah hian KM 15 phum tur niin Mizoram chhungah KM 104 phum tur a duan a ni bawk a. He hna hi ruahman lawk ang chuan March 31, 2027-a zawhfel tur niin tunah hian KM 28 vel phum fel tawh a ni a, he hna hi tha taka zawh a nih theih nan leh a rang lama zawh a nih theih nan Mizoram Sawrkar chuan a theihtawp a chhuah a, Tripura atanga Mizoram-a lakluhna hna hi Indradhanush Gas Grid Limited te'n an thawk a, Mizoram chhunga In tina connention pek hna chu Tripura Natural Gas Company Limited te'n an thawk dawn thung a ni.

Niminpiah tlai khan Food, Civil Supplies & Consumer Affairs Minister B. Lalchhanzova hovin he hna thawh meka hnathawh tawh chin leh hmabak la awm te sawihona chu a Pisa-ah neih a ni a, he hunah hian Supply Minister B. Lalchhanzova chuan he hna thawktu IGGL hnena Weekly Report pe tura a dil anga kartin Report an pek thin avang chuan lawmthu sawiin, amaherawh chu Gas Pipeline phum hna hi a duh anga an thawh chak tawk loh thu a sawi a, hei aia chak a hna hi thawh a nih theih nan an hotute lam pawh a dawr dawn tih a sawi a ni.

He thutkhawm ah hian Food Civil Supplies & Consumer Affairs Officials te bakah Indradhanush Gas Grid Limited (IGGL) Officials te pawh an tel a, FCS&CA hotute pawhin he Gas Pipeline phum hna hi tun aia chak zawk leh rintlak lehzuala hma lak a nih theih nan a hmun a enpui an rel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »