State leh UT 11-te dinchamphaphak lawmna nei

Zonuna Kawlni /

Nimin khan Aizawl-a Raj Bhavan-ah ‘Ek Bharat Shreshtha Bharat’ hmalakna hnuaiah Mizoram Larsap, General (Dr) Vijay Kumar Singh-a hovin Delhi, Lakshadweep, Puducherry, Haryana, Kerela, Karnataka, Madhya Pradesh, Punjab, Tamil Nadu, Uttarakhand leh Jharkhand-te dinchamphahak 'Foundation Day' lawmna neih a ni.
Raj Bhavan Durbar Hall-a he hun hman ah hian Larsap General (Dr) Vijay Kumar Singh State leh Union Territory 11 te Foundation Day lawmna Raj Bhavan-a buatsaih a ni chu lawmawm a tih thu sawiin, Prime Minister hmalakna 'Ek Bharat Shreshtha Bharat' chu hnam hrang hrangte inpumkhatna leh inunauna tha siam tura ruahman a nih thu a sawi a. India rama State/UT tin te'n danglam bikna an neih thu sawiin, kan danglamna hi kan chakna hnar a ni a, India ram intodelh 'Vikshit Bharat@2047' ni tura hmalam min pan tirtu pawimawh tak a ni, a ti a. Midangte hnam ziarang, nunphung leh tih dante hriata zah sak a tul thu sawiin Larsap chuan, he huna kalkhawmte chu an kalna hmun apiangah mahni State ziarang, nunphung leh tih dante chawilara midangte zirtirtu nih tum turin a chah a ni.

He hun hi APS to Governor Lalhruaitluangi chuan kaihruaiin he hun buatsaih a nih chhan te a sawi a, heng State hrang hranga Governor leh UT-a Lt. Governor te thuchah ngaihthlak niin Lakshadweep, Karnataka, Kerela, Tamil Nadu, Uttarakhand leh Jharkhand-te chanchin tarlanna video chu thlirho niin ICFAI University leh NIT Mizoram zirlaite'n Cultural item an entir bawk a. Hemi hnu hian Governor General (Dr) Vijay Kumar Singh leh Lady Governor Bharti Singh-i te'n hemi puala kalkhawmte hi Upper Lawn, Raj Bhavan-ah kawmin hun hlimawm tak an hmang ho a ni.

Puducherry hi November ni 1, 1954 khan UT-ah siam a ni a. November ni 1, 1956 khan Delhi leh Lakshadweep-te chu UT-ah siam ni leh lehin hemi ni vek hian Kerela, Karnataka, Madhya Pradesh leh Tamil Nadu-te chu State-ah hlankai an ni bawk a. November ni 1, 1966 khan Haryana leh Punjab-te chu siam remin State-ah siam an ni a. November ni 9, 2000 khan Uttrakhand State siam niin, November ni 15, 2000 khan Jharkhand State a piang bawk a ni.

Ek Bharat Shreshtha Bharat programme hian India rama State leh UT hnuaia cheng hnam hrang hrang, hnam ziarang leh nunphung inang lo tak takte inkara inpawhna tha zawk siam leh inhriatthiamtawnna nasa zawk siam a tum a. He programme kaltlang hian India rama State leh UT hrang hrangte dinchamphaphak Foundation Day lawmna chu Raj Bhavan, Mizoram-ah Governor kaihhruaiin June, 2023 atang khan buatsaih tan a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »