Serchhip Tleirawl telna Mizoram Team an Champion ta

Serchhip Chanmari Veng tleirawl Lalrindiki khelhna Mizoram (Under-19) Cricket Team te chuan Manipur hnehin Women’s Under-19 T20 Trophy 2025-26 ah Plate Group Champion an ni ta a, Season thar-ah inelna sang zawk an hmachhawn thei ang.

Lucknow (Uttar Pradesh)-a Bharat Ratna Shri Atal Bihari Vajpayee Ekana Cricket Stadium-ah nimin khan Women’s Under-19 T20 Trophy 2025-26 Final hi khelh a ni a, Toss-a chak Manipur hian vawm hmasak an thlang a, Mizoram hian Overs 20-ah run 117 siamin Wicket 6 an hloh a ni. Manipur vuak ve hun ah M izoram lam an ngam lo hle a, Overs 14.4 ah Wicket zawng zawng hloh vekin run 45 chiah an siam a, Run 10 siam tling awm lovin a siam tam berin Run 8 chiah an siam a, Mizoram hi Run 72 laiin a chak zawkah an tang ta a ni.

Mizo tleirawlte hian Manipur hi kar hmasa lam khan Group Stage-ah hmachhawn tawhin Wicket nga in an lo hneh lo a, Final-ah erawh chiang taka hnehna changin Season tharah India rama Association thiam rualte inelna, Elite-ah an khel thei dawn ta a ni.

Tun tum hi India rama Cricket inelna a thuneitu sang ber, Board of Control for Cricket in India (BCCI)-in inelna a buatsaiha Mizoram in Champion nomawi an lakna hmasa ber a ni a, Mizoram Team-ah hian Serchhip Chanmari Vengthar-a cheng Lalrindiki d/o R. Lalhmangaiha chu telin match hrang hrangah a inlan a ni.