Assam Rifles hotute leh MJA Member te an inkawm
He an inkawmna ah hian 14th Assam Rifles a Second-in-Command Lt.Col. Sunil Kumar chuan Asaam Rifles te chu tlang mite thian 'Friends of the Hill People' an nih angin mipuite tan kawng hrang hranga hma an lak thin thu a sawi a. Kumin May thla atanga Serchhip-a an rawn awm hnua hma an lo lak tawhna hrang hrangte sawiin, Shalom Special School leh Orphanage Home-ah te thilpek chi hrang hrang an lo pek tawh thu te, an awmna khaw hrang hrangah a thlawna inentirna an lo buatsaih tawh thu leh tlawmngai pawl- YMA leh MHIP te pawh a theih anga tanpuiin Serchhip Boxer te zinna tur Bus te pawh an lo pek tawh thu te a sawi a ni.
Hei bakah hian ramri venhimna kawnga Assam Rifles te hmalakna hrang hrang pawh he hunah hian tarlangin, Ruihhlo tawlhruk manchhuah kawng ah hma an lak bakah dan phalloha ral-thuam leh thildang tawlhruk (Illegal Trackfiking) man-chhuah kawngah pawh theihtawp chhuaha hma an lak reng thu a sawi a. Assam Rifles te chuan Journalist te nen thuk taka thawhho an duh reng thu leh chumi tur chuan leng-ah pawh sawm an nih thu a sawi a ni.
He hunah hian MJA Serchhip District-a member te pawhin MJA te leh Assam Rifles te chuan thawhhona tha tak an lo neih tawh thin thu sawiin, thawhhona tha tak an neih zel an beisei thu leh an hmalakna ah tangkaina an nei a nih chuan an inhuam reng thu te an sawi bawk.