MSSRP Scheme hnuaiah Ration Card tihpun tum

FCS&CA Department-a thawktu pawl lian ber Mizoram Supply Executive Association (MSEA) chuan nimin khan General Conference vawi 15-na hmangin Supply Minister B. Lalchhanzova chuan a hmanpui a, MSSRP Scheme hnuaiah Ration Card tihpun tum a nih thu a sawi bawk.

Chaltlang Tourist Lodge-a MSEA General Conference-ah hian Supply Minister B. Lalchhanzova chuan mipuiten Minister tha leh chak anga amah an hriatve na chu a thawhpui te thahnemngaihna vang a ni tih thu sawiin, Supply Department chu Department ropui tak, mipuite eitur petu an ni a, chuvang chuan a thawktu te an pawimawh hle thu a sawi a, rilru hrisel tak pu tur leh a tihdan tha ber zawng zel turin a chah a, thawktu ten harsatna an neih an gang chu engtik lai pawha ngaithla tura a inpeih reng thu a sawi bawk. Supply Minister chuan Mizoram State Special Ration Package (MSSRP) Scheme hnuaiah Ration Card 50,000 atanga nuai khat-a tihpun tum anih thu te, Mizoram-a Loneitute atanga an buhfai tharchhuah sawrkar in lei a tum thu te a sawi bawk

He hunah hian Khual zahawm FCS&CA Secretary Teresy Vanlalhruaii chuan MSEA members te chu Department a thawktu lian ber, Department VIP te an nih thu sawi a. MSEA members te chu Mizoram chhung kilkhawr ber ber a thawktu an nih thu leh Department hmel lanna ber an nih thu sawiin, dik tak leh taima taka mipui tana thawk zel turin a chah bawk a ni.

MSEA General Conference hi an President C.C. Sakhawliana chuan kaihruaiin Report hrang hrang ngaihthlak a nih bakah an Member boral te sunna hun hmangin Pensioner te thlahna hun hman a ni bawk a. Chawhnu lamah hruaitu thlanna leh Rorelna neiin an thurel zingah FCI in Manual-a Storage Loss & Transit Loss Write-off provision a neih ang chu Supply Department-in a hman ve theih nana hmalak te; DCSO Posts – Kolasib, Serchhip, Lawngtlai leh Mamit Post te upgrade tura Sawrkar-a thlen leh Supply Department-a pawl pahnih thuang hniha kal Executive line leh Accounts line te inchhunfin dan tur Draft proposal sawiho nise tih te a tel a ni.