Dik lo taka Biak In hmun chhuh tumah sawrkar puh

Zonuna Kawlni /

MNF Legal Board chuan ZPM sawrkar chu dik lo taka Assam Rifles Biak In hmun chhuhsak tumah puhin, an sawrkarna hnuaiah Kohhranin nek leh thuneihna hman khum a tawk mek niin an sawi.

Nimin khan Aizawl Press Club-ah thuthar thehdarhtute kawmin MNF Legal Board chuan Mizoram Presbyterian Kohhran, Mizoram Synod-in kum tam tak chhung a lo enkawl tawh leh kum 38 lai kalta, kum 1987-a an kuta hlan tura sawrkarin thutlukna a lo siam fel vek tawh, Assam Rifles Biak In hmun chu ZPM sawrkarin dik lo taka chhuh luihsak tumin kawng hrang hrangin a bei mek tih an sawi a, kumin May ni 5-a Chief Minister hova thukhawm chuan Assam Rifles Kohhran Biak In hmun sawrkar kuta a luh theih nan Synod dawrtu tur an inruat thu leh Synod Executive Committee thukhawmin Biak In hmun chu kum 1950 hma lama Mizoram Bawrhsap in Biak In atan liau liaua a lo pek tawh a nih avangin sawrkar hlan a remchang loah an ngai tih an sawi chungin ZPM chuan dan hmangin helai ram hi sawrkar ramah rinluh a tum niin an sawi.

Hei bakah hian MNF Legal Board chuan kumin November ni 22 leh 23-a Platinum Jubilee lawm tura an inbuatsaihna kallai boruak ti nuam lo zawng leh Kohhran-a lawi mekte ti mangang leh ti thlabar zawnga ZPM sawrkar hmalakna chu demawm an tih thu an sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »