‘Vande Mataram’ kum 150 tlin lawmna neih a ni

India National Song ‘Vande Mataram’ chuan nimin, November 7, 2025 khan kum 150 a tling a, hemi pual hian ramchhunga Pisa hrang hrangah urhsun taka hun hman a ni.

Prime Minister Narendra Modi chuan nimin khan National Song ‘Vande Mataram’ kum 150 tlin lawmna hun hi New Delhi-ah a hmanpui a, ramchhung hmun hrang hrang atangin hemi pual hian hun hman a ni bawk. Prime Minister chuan Indira Gandhi Indoor Stadium-a hun a hmanpuina ah Vande Matarma chu ram mipuite chakna leh nun khalh ngiltu a ni tih sawiin, mipuite hmathlir siamtu leh hmasawnna hrang hrang petu a nih thu a sawi a, hla chuan mitin thinlung a khawih tih sawiin, hun hmasa lama hun tam tak a hriatchhuah tir thu leh hemi hmang hian chakna nei theuh turin ram mipuite a sawm a ni.

‘Vande Mataram’ kum 150 tlinna pual hian Akashani Aizawl pawhin Director leh Mizoram Cluster Head DR. Lalropuia hovin an pisa ah he hun hi an lo zawm a, Akashvani Staff hrang hrang ten ‘Vande Mataram’ hla an sa rual a ni.