ZMC&H-ah Post Graduate (Specialist) zir phalsak

Mizoram sawrkarin Zoram Medical College & Hospital (ZMC&H)-ah Post Graduate (Specialist) zir phalna a dil chu National Medical Commission-in subject 5-ah seat 10 a phalsak.

    ZMC&H Director Dr. Zoramthara Zadeng chuan ZMC&H-a Specialist zir theih turte hi Subject 5- Paediatrics (MD), General Surgery (MS), General Medicine (MD), Obstetrics & Gynaecology (MS) leh Anaesthesiology (MD)-ah seat 2 theuh a ni tih sawiin, National Elegibility cum Entrance Test (NEET) PG Entrance Exam result a zirin ZMC&H atanga PG zir tum ti tha zualte'n remchang an nei thadawn tih a sawi a. October atanga December thla chhung hian NEET PG Counselling a awm mek tih sawiin, chuta tling te chuan an thlan kim hunah ZMC&H-a Post Graduate zirlai hmasa berte chuan nakum (2026) January thla atang khian an zawm tan theih a rin thu a sawi a ni. Health Lalrinpuii pawhin an dil anga ZMC&H-ah Post Graduate zirna, seat 10 phalsak an ni chu lawmawm a tih thu a Facebook account kaltlangin a sawi a ni.