Kumin ah TB vei mi 1,870 hmuhchhuah an ni tawh

Kumin January thla atanga October ni 10 thleng khan Mizoram-ah Ngawr natna (TB) vei mi 1,870 hmuhchhuah an ni a, mi 121-in an thihpui.

    National Health Mission Mizoram (NHM) hnuaia National TB Elimination Programme in an chhinchhiah danin, kumin chhungin TB rinhlelh mi 97,647 endik zinga mi 1,870 in TB an kai tih hmuhchhuah a ni tawh a, TB kai te hi kum 14 chunglam mi 1,761 leh kum 14 hnuailam mi 109 te an ni a, mipa 1,126 leh hmeichhia 744 te an ni. Kumin chhungin mi 121-in TB an thihpui tawh a, TB kai zaa 82 te chu enkawl dam an ni thung a, mi 121 te chuan TB natna khirh chi, Multidrug-Resistant TB (MDR-TB) an kai tih hmuhchhuah niin TB HIV hri kai zinga TB natna vei kawp mi 211 hmuhchhuah an ni bawk.