Kawnpui leh Sairang inkar kawng siam phut

Mizoram ei leh bar lakluhna kawngpui pawimawh Kawnpui leh Sairang inkar kawng chhia siamtha turin tun thla ni 25 hmaa hmalakna lian tham a awm loh chuan NHIDCL chungah engpawh thleng se sawi theih an nei lo tih Truck neitu leh khalhtute’n an sawi.

    Mizoram Truck Owners’ Association (MTOA) leh Mizoram Truck Drivers’ Association (MTDA) chuan Inrinni khan thuchhuah intawm siamin, Kawnpui leh Sairang inkar NHIDCL enkawl chu hun engemaw chen tlan hleih theih loh khawpin a chhia tih sawiin, ruah a tlak tawh loh hnuah pawh tih tak taka thawh a awm lo ni a an hriat thu an sawi a. An pawl Member te tawrhna leh thinurna chu a sosang tawh hle tih sawiin, tun thla ni 25 theng an ngaihchan hnuah hmalakna lian tham an hmuh loh chuan helai kawng enkawltu NHIDCL chungah engpawh thleng se sawi theih an nei lo tih an sawi a ni.