IPRP&S Minister thar in thawktute a kawm

Zonuna Kawlni /

Information Public Relations, Printing & Stationery (IPRP&S) Department changtu Minister thar B. Lalchhanzova chuan nimin khan he Department-a Administrative Officer te leh Directorate lama Senior Officer te kawmin Sawrkarin I&PR leh Printing & Stationery kalpui a duh dan leh hmachhawp te a sawipui.

Minister Pisa-a thawktute a kawmna ah hian IPRP&S Minister B. Lalchhanzova chuan Department Official te chu Department dang te tha taka thawhpui thiam turin a chah hmasa a. A Department hnuaia hmalakna kaihhnawihah Minister in a hriat tur awm chi reng reng te chu thutlukna tha zawk siam a nih theih nan a hnenah thlen vat thin turin a chah bawk. Sawrkarin mipui tana hna a thawh te, hma a lak mek te, thutlukna a siam te, mipui tana hamthatna a siam ang chi te chu a nihna tur anga mipuiin an chhawr theih nan mipuiin chiang takin an hriat a ngai tih pawh Minister chuan sawiin, Notification, Schemes, policy leh sawrkar hmalakna puanzar leh zirtirna kawngah Information & Public Relations (I&PR) hman tangkai leh zual a ngai tih a sawi a. Hemi kawngah hian Department tin ten I&PR kaltlangin Public Relations huanga tan an lak thar a ngaih thu leh Sawrkar Department ten Printing & Stationery an hman tangkai dan te pawh ennawn a tul thu a sawi bawk.

He thutkhawm ah hian IPRP&S changtu Secretary Betsy Zothanpari Sailo chuan Department hmalakna tlangpui a sawi hmasa a. Hemi hnu hian chipchiar zawkin I&PR Director K.Vanlalsangi leh Printing & Stationery-a Controller Benjamin Lalzam ten report an pe bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »