PWD Minister in kawng dinhmun enfiah zui zel

Zonuna Kawlni /

Tun thla ni 21 atanga Sakawrdai khuaa YMA Inkhawmpui Lian neih tur atana inbuatsaihna atan PWD Minister Vanlalhlana chuan nimin khan N. Vervek, Mauchar, Tuirial, Saipum, Saiphai, Vairengte leh Serkhan inkar kawng NH-306A dinhmun a enfiah.

NH-306A hi Mizoram hmar lam, Kolasib leh Mamit District mipuite tan Sakawrdai pan theihna tur kawng niin Kutcha road (la metal loh) a ni a, nuam zawk leh him zawka helai kawng-a lirthei an tlan theihna turin PWD chuan thawmthat hna an thawk mek a; khua a that a, ruah a sur nasat loh chuan lirtheite pawh tha taka an tlan theih tur thu leh chutiang tur chuan chak taka hma lak a nih thu PWD Minister chuan a sawi a; Motor tang palh a awm a nih pawha vil turin JCB pathum dah a nih tur thu a sawi bawk.

Minister hian Tuirial Hydro Power Station tlawh nghalin NEEPCO hotuten an lo dawngsawng a, Tuirial Hydro Power Station ttang hian kawlphetha MW 60 tharchhuah niin hemi atanga 12% chu Free of cost niin a bak 88% chu Mizoram sawrkain a lei thin thu leh tun dinhmunah leiba liantham engmah a awm loh thu an lo sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »