Serchhip-ah National Sports Day hman a ni

Zonuna Kawlni (LENKAWL) • September 1, 2025 • Comments • Serchhip

Inrinni (Aug. 30, 2025) khan ‘National Sports Day 2025’ Serchhip-ah pawh Sports Complex-ah hman niin he ni pual hian infiama thenkhat ah intihsiakna neih a ni bawk.
Serchhip District Sports Committee huaihawta ‘National Sports Day’ hman hi Serchhip SDO (Sadar) Rebecca Laldinmawii Hrahsel chuan hawngin National Sports Day in a tum ber chu mipuiten hriselna ngaih pawi-mawh nachang an lo hriat thar nan te, nun dan hrisel zawk an lo zir theih nan te, huaisenna leh tumruhna te an lo neih thar theih nan te a nih thu a sawi a. Hemi hnu hian Serchhip Boxer Abel Lalawmawia chuan taksa insawizawi pawimawhzia sawiin, Fitness Talk hun a hmang bawk a ni.

Serchhip-ah hian National Sports Day hi hmun thum-ah hman niin Sports item chi hrang hranga inel a ni a. Serchhip Sports Complex-ah hian meter 3000-a thui intlansiak buatsaihin Mizoram Upa Pawl (MUP) Serchhip District-a member te tan Serchhip-a MUP Office-ah Inkawi (Draught Board) inelna neih a nih bakah Serchhip Boxing Hall-ah Futsal, Kalchhet kal leh Shot Put-ah te inelna neih a ni bawk.