PCI in Ramthar Ni hmang

Nimin August 31, 2025 kha Mizoram-a Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a ni a, he ni hi ‘Ramthar Ni’ atan hmangin Presbyterian Kohhran ni pawimawh atan hman a ni. Kum 1972 Mizoram Synod Inkhawmpui chuan, Synod Ramthar Board-in, 'August 31 Pu Zosaphluia Mizorama a lo thlen ni hi Synod Ramthar Ni atan hman ni se,' tia a rawtna chu pawmin kum 1973 atang khan August 31 hi ‘Ramthar Ni’ atan hman zui a ni a, kumin hian 'Pa in kei mi tir ang bawkin ka tirh che u hi' tih chu zirho a ni.