LC-in Bottle ruak lei kalpui

Durtlang North Local Council hnuaia Local Health Sanitation Committee te ruahmanna in an vengchhung a lo fai a, a lo thianghlim zawk theihna tura khawlaia plastic bottle ruak paih tawh mipui te atanga leina hun vawi thumna chu Inrinni khan Aizawl Mayor Lalrinenga Sailo hovin neih a ni a, he hunah hian Durtlang North Local Council House atangin plastic bottle leh sarang leh in tur bur ruak motor trip 4 chuang leikhawm a ni. He hunah hian Mayor chuan he hmalakna hi a tawpna tur a ni lo tih sawiin, an Ward chhunga Local Council zawng zawngah kalpui tum a nih thu a sawi bawk.