Education Department in tihsual palh a ni tih sawi

School Education Depatment chuan thuchhuah siamin kumin Teachers’ Day puala Education Minister Dr. Vanlalthlana thuchah tur an siamah kumin a ‘National Award to Teachers’ dawng awm lo anga an tarlan chu an tihsual palh a nih thu an tarlang a. “Kan Department thuneihnain a huam Zirtirtu, National Award to Teachers 2025 dawng thei tùra rawtte chungchâng chauh târlan a ni,” tiin Mizoram atanga an recommend pathumin an dawng lo tih an tarlang a. Hmarchhak bial atanga dawng hmasa ber an lo hmaih chu pawi an tih thu tarlangin, “Mizoram University atanga National Award to Teacher for Higher Education 2025 dawngtu Head of Mizo Department Associate Professor Dr. Zoramdinthara kan lawmpui takzet a ni,” an ti bawk.