UD&PA leh PHE thawhho dan tur sawiho a ni

Nimin khan Serchhip-ah District Level Convergence Committee for Swachh Bharat Mission (Urban) and SBM (Gramin) chu thukhawmin UD&PA leh PHE Department te faina kawnga an thawhho dan tur an sawiho.
UD&PA Department hian Serchhip District chhunga khawpui (Town) - Serchhip, North Vanlaiphai leh Thenzawl-ah te Swachh Bharat Mission (Urban) an kalpui a. PHE Department hian heng notified Town tih loh khaw dang zawngah Swachh Bharat Mission (Gramin) an kalpui thung a. Tum thuhmun reng an nih avangin a theih chin chinah kaihkawp dan ngaihtuah a, Serchhip District a lo fai lehzual theihna tura ruahmanna siam chu tha a tih thu he thutkhawm kaihruaitu Serchhip DC Paul L. Khuma chuan a sawi a ni.

He thutkhawm Serchhip DC Meeting Hall-a neih ah hian Serchhip Sub-Headquarters YMA leh Serchhip Town Joint Village Council hruaitute pawh an tel a. Heng Department pahnih ten faina leh thianghlimna kawngah te, bawlhhlawh sawngbawl leh a kaihhhawiha hmalakna an neih te chu a theih chin chinah suihfin tha an ti a. Department pahnih hotuten Meeting neiin an thawhho dan tur, Convergence Plan mumal taka siam nise an ti bawk a ni.

Nimin-a thutkhawm ah hian UD&PA Department Serchhip-a DUDO, Gaston Vanlalhriatpuia leh PHE Department-a Sr. EE, Isaac Lalchhuanawma te bakah sawrkar official dangte an tel a ni.