Myanmar tualchhung buaina avanga Ser-chhip District-a raltlan awm mek te an hmel, kutzia leh pianphung te chhinchhiahna, Biometric Enrolment chu tluang taka kalpui zel a ni a, tunkar Thawhtanni khan Serchhip Hmar Veng leh Serchhip Field Veng-ah te Biometric Enrolment hi kalpui leh niin Serchhip Hmar Veng-ah mi 34 leh Ser-chhip Field Veng-ah mi 7 te chhinchhiah leh an ni a. raltlan awm mek nia hriat aiin chhinchhiah hi an tam zawk a ni. Heti hian Serchhip District-a Veng leh khua 8 atangin mi 270 chhinchhiah an ni ta a. Vawiin hian Chhingchhip Mualpui-ah raltlan chhinchhiah hna hi thawh leh tur a ni ang.
