Tualte in Tomato quintal sang ruk chuang thar tawh

Khawzawl District-a awm Tualte khua chuan kumin chhungin Tomato quintal 6000 chuang an thar tawh.

Tualte khuaah hian kumin ah chhungkaw 200 velin Tomato hi eizawn nan an ching mek a, Tomato an seng lai hian chawlhkar khatah bawm 1000 vel (bawm khatah kg. 20) te an lo thei a. Kumin bikah hian quintal 6000 vel tharchhuak tawhin an Tomato thar te hi a tlangpuiin kg khat Rs. 50 bawr velin an hralh thin a ni. Kumin hian ruahtui a tlak tam avangin Tualte khua in Tomato an chinna ah hian harsatna tenau an tawk ve a, ruahtui tlak tam avang hian natna chi hrang hrang a tam bakah kumdang aiin Tomato rah pawh a tha lo deuh niin Tualte-a Tomato chingtute hian an sawi a, hei vang hian Tomato tharchhuahah kumdang an pha lo mai thei tih an sawi a ni.

Tualte khua hian kum 2022 khan Tomato quintal 30,000 vel tharchhuakin kum 2023-ah quintal 15,000 leh kum 2024-ah quintal 16,420 an thar a ni.