Tuivawl Bialtu MLA in Pandal sak mek a tlawh

Tuivawl Bialtu MLA leh Opposition Leader Lalchhandama Ralte chuan nimin leh niminpiah khan a Bial chhunga Mizoram pum huap Inkhawmpui Lian pahnih neihna tur Pandal sak mek te a tlawh a, Tuivawl Bial chhunga awm Darlawn khua chuan kumin October 3-5 chhung khian ‘SAY Congress 2025’ an dawng dawn a, hemi hnu October 21-23 chhung khian ‘YMA Inkhawmpui Lian’ chu Sakawrdai khua in an thleng ve leh dawn bawk a ni. Bialtu MLA hian Sakawrdai VC House-ah YMA Inkhawmpui Lian Organising Committee OB-te kawmin theihtawpa hma a lak thu leh sawrkar a dawr dan a sawi a, Darlawn Venghlun VC House-ah SAY Congress 2025 Organising Council kawmin khawmpui a hlawhtlin theih nan theihtawp chhuahpui a tum thu a hrilh bawk a ni.