Serchhip-ah ruang chhar a ni

Tukin (July 11, 2025) zing khan Serchhip AOC Veng-ah ruang pakhat chhar a ni a, he ruang chhar hi Vanramengmawia (30), Serchhip Field Veng nia hriat a ni.
    Thudawn danin Ramengmawia hian a lu-ah hliam tuarin a taksa atangin thisen a chhuak nual bawk a, Police ten thil awmdan enfiah nghalin midang kut tuar nih theihna lai a awm avangin tunah hian Aizawl atanga Forensic Science Laboratory-a thawk rawn kal chu nghah mek an ni a, tih tur tul ang ang te tihfel a nih hnuah Vawiin hian vui zui nghal tura ruahman a ni.  

 Ruang chharna hmun hi Serchhip AOC Veng-a dawr pakhat, Maruat Agencies chungah a ni a, Police ten thil awmdan an chhui zui nghal a ni.