Chhiahtlang-ah In thiah sak

National Highway-54 laihzauh leh siamthat hna thawh mekah Chhiahtlang khuaa ram lak tawh a In pakhat la thiah loh chu nimin khan khawl hmanga thiah sak an ni.
Serchhip District paltlangtu NH. 54, tuna NH-02 tih tak laihzauh leh siamthat hna thawh mekah hian sawrkar in kawngpui zauhna atana ram a mamawh ah Dan anga ram laa zang-nadawmna te a pek hnuah Chhiahtlang Kawn Veng-a cheng Hmangaihsangzuali te chuan zangnadawmna an lak chu a dik lo leh tlem lutuk nia hriain an In chu an thiat duh lova, nikum July 4 khan an In hi thiat tura sawrkar in hma laa khawl te nen an thawhchhuah hnuah In neitute hi Court-ah an kal tak avangin Court chuan In thiah sak tura hmalakna kal mek chu a ti khawtlai a. Amaherawh chu June 25, 2025 khan Stay Order hi tihtawp niin In hi senghawi tura chawlhkar hnih hun pek an nih hnuah nimin khan Serchhip-a Executive Magistrate te kaihhruaina hnuaiah an In hi thiah sak an ni ta a ni.

Nimin-a In thiah sakna ah hian Serchhip DC Office atangin Executive Magistrate Dr. C. Vanlalchhanhimi, SDC bakah Police te an kal bawk a, Chhiahtlang South VC te bakah Contractor te an tel bawk a ni.