State Level Committee on Standardization thukhawm

State Level Committee on Standardization chu nimin khan thu-khawmin Mizoram-ah Bureau of Indian Standards (BIS)-in Sector hrang hranga inkaihruaina dan a siamte chak zawk leh tha zawka hlenchhuah a nih theih dan tur an sawiho.

He thutkhawm Secretariat Conference Hall-a neih hi an Chairman leh Chief Secretary mawhphurhna chelh mektu H. Lalengmawia chuan kaihruaiin Standardization chu thil pawimawh tak a nih thu sawiin, sawrkar, mipui, sumdawng leh consumers-te tana hriat makmawh thil a nih thu a sawi a. Anuj Bhatnagar, Deputy Director General, BIS hnen atangin BIS hmalakna hrang hrangte report ngaihthlak a nih hnuin Mizoram tana hmalakna awm thei hrang hrangte sawiho a ni.

He thutkhawm ah hian hmalakna tur hrang hrang sawiho niin Mizoram-a Industry-te dinhmun zir chianna ‘Mapping of Industrial Landscape of Mizoram’ neih leh data mumal zawk neih chungchang te; Bungrua leh thil leitu ten ISI chuangte awlsam zawka an hriat theihna tur leh thuneitute hnena awlsam zawka complaint an thehluh theihna tur atana duan, Mobile application - BIS CARE App mipuite hnena puanzar chungchang te; Village Council ten BIS inkaihhruaina siamte tha zawka an zawm theih nana hmalakna tur chungchang te; In sak dan tha zawk leh him zawk a awm theih nana BIS-in National Building Code a duante chak zawka kalpui tura hmalak leh Zirna In leh Sikul (public/private) te tana BIS Sponsored ‘Standards Clubs’ din chungchang leh Mizoram-ah tun dinhmunah sikul 4 chiahin an la din thu leh BIS Standards Club din tura BIS Guwahati Branch biakpawh theih a nih thute leh thil dangte sawiho a ni.