Mizoram atanga Manipur-a Buhfai thawn titawp

Zonuna Kawlni /

Manipur tualchhung buaina avanga Churachandpur leh a chhehvel mipuite mamawh Food Corporation of India (FCI) Aizawl Divisional Office in buhfai a thawn thin chu kumin April thla khan tihtawp a ni.

Akashvani Aizawl-in FCI hotute a kawmnaah he thu hi sawiin FCI hotute chuan Manipur buai avanga buhfai thawn thin chu kumin April thla thleng khan kalpui a nih thu leh May thla atanga pek chhoh tawh loh thu an sawi a. Churachandpur leh a chhehvel te hman tur Mizoram kaltlanga buhfai pek hi kum 2023 June thla atang khan kalpui niin an kalpui tawp hun, kumin April thla thleng khan quintal 3,2,2,000 chuang hret an thawn hman a. Tunah chuan a kawng ngai, a hmaa an kalpuina kawng, Jiribam (Assam) atangin Imphal kaltlangin phurh a ni leh tawh a ni. 

FCI hotute chuan Kawnpui leh Sairang inkar kawng chhia avangin khaihlak tlem azawng chu awm mahse an Kudam-a buhfai phurh kawngah harsatna liantham an tawh rih loh thu an sawi a. Engpawh thleng se an kalphung ah thla 3 daih buhfai an Kudam-a dah reng chu an kalpui mek thu an sawi a. Tun dinhmunah phei chuan thla 4 emaw, thla 5 emaw daih buhfai a awm rih thu an sawi a ni.

Manipur tualchhung buai hnua tanpuina tur kum 2023 June thla atanga Mizoram kaltlanga buhfai an thawn tak loh chhan chu Manipur-a President's Rule kalpui avanga boruak a ziaawm chhoh vanga nia an hriat thu an sawi a. Hetihrual hian engpawh thleng thei a nih avangin Mizoram kaltlanga pek pawh eng chen nge a tawp dawn tih an hriat loh thu an sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »