Raltlan te Biometric Enrollment ti thei tep

Myanmar atanga Serchhip District-a raltlan rawn lut te Biometric Enrollment mi turin inbuatsaihna peihfel thawkhat a ni tawh a, karleh lamah chuan hna tan theih beisei a ni.
    Sawrkar laipui in ruahman anga Myanmar atanga raltlante biometric enrollment tih a nih tawh dawn avangin nimin khan Serchhip District-ah a mawhphurtu turte tan ‘District User training for Biometric Enrollment of Displaced Persons’ chu Serchhip DC Meeting Hall-ah neih a ni a, he hmalakna atan hian ruahmanna peihfel thawkhat ni tawhin tunkar tawp lam hian an bungraw mamawh te dawng kimin karleh lamah hna thawh tan theih beisei a ni. Raltante hi an awmna hmunah kalchilhin an Biometric Data lak tur a ni a, nimin-a training hi Nodal Officer leh SDC Vanthangpuia chuan kaihruaiin Serchhip SP Office aiawha kal RK. Lalremruata chuan District User tura ruat mi paruk (6) te chu Foreign Identification Portal-a chhinchhiah dan tur a zirtir a. Hmel leh kutzia (fingerprint) lak dan leh khawl hman dan te inzirtirna neih a ni bawk.