NH-06 a PWD enkawl te NHIDCL in enkawl dawn

Zonuna Kawlni /

Mizoram PWD-in National Highway-06 bika a enkawl thenkhat chu National Highways & Infrastructure Development Corporation Limited (NHIDCL)-in a enkawl tawh dawn.

NHIDCL Mizoram leh NHIDCL Headquarter New Delhi ten kar kalta Zirtawpni-a Meeting an neih bawhzuiin, NH-06 Vairengte leh Sairang inkar; Bilkhawthlir leh Kolasib inkar leh Kawnpui leh Khamrang inkar bik Mizoram PWD NH-Division III in an enkawl mek chu Mizoram PWD NH. Division-III hnen atangin NHIDCL hian an enkawl tawh dawn a ni. Kawnpui (Km 118) leh Khamrang (Km 133) inkar hmun hrang hrangah ni hnih chhungin hna thawh tan a ni anga. Contractor pawh lirthei ten kawngpui him taka an zawh theih nan Bilkhawthlir (Km70) atanga Kolasib (Km 95) thlenga hmanrua an hman tur te a rang thei ang bera lakhawm tura hriattir niin, tunkar atangin an hnathawktute leh an khawl te nen hna an tan nghal ang.

Tun dinhmunah Fur ruahtui tlak lai a nih avangin kawng chhe zual lai thawmthat te, a khuar lai lung a hnawh te, tuihawk luankawr tihfai leh leimin thenfai te ngaih pawimawh hmasak a hmalak tan a ni anga. Black topping hna erawh Thal-ah thawh tan a ni ang. Felfai taka inhlanchhawn hi Mizoram PWD nena finfiahna leh tul dang te sawihona neih a nih hnuah kalpui a ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »