Lok Sabha MP in Blood Donation Bus tur a hlan

Mizoram Lok Sabha MP Richard Vanlalhmangaiha chuan mi 13 chuan theihna Bus, Tata Winger New Model chu Inrinni khan Association for Voluntary Blood Donation, Mizoram (AVBD) hnenah a pe.

Bus inhlanna hun hi Civil Hospital Aizawl-a Model Blood Bank tual-ah AVBD General Hqrs. Vice President K. Zothanpara kaihhruaiin neih a ni a, Bus Chabi leh document pawimawh te chu Lok Sabha MP hian AVBD President C. Lalnunnema hnenah a hlan a ni. He hunah hian Lok Sabha MP Richarg Vanlalhmangaiha chuan thisen pek a ngaih pawimawh thu leh amah pawhin thisen a pek ve thin thu a sawi a; AVBD-in a hnena Bus an dil pawh tihhlawhtlin ngei a duh thu leh Blood Donation Bus thar chu a MP Fund hmanna puitling hmasa ber a nih thu a sawi a. Bus thar chuan Blood Bank-a thawktute rilru ah phûrna leh inpek lehzualna thar tuh se, damlo thisen mamawhte'n a hun takah thisen an dawn theih phah nan hman ngei nise a duh thu a sawi bawk.

He hunah hian AVBD President C. Lalnunnema pawhin an dilna ngai pawimawha Lok Sabha MP in Bus a pe chu an lawm takzet tih a sawi a, Civil Hospital, Aizawl-a Senior Medical Superibtendent Dr. Lalchhuankimi pawhin Lok Sabha MP-in AVBD hnena bus a pek Civil Hospital hman atana ruahman a ni chu an lawm takzet tih sawiin, tangkai taka hman a nih tur thu a sawi bawk.

Blood Donation Bus tur hi nikum October thla vel atang khan buaipui a ni a, Air Condition-a thuam niin MP Fund atangin Rs 18,22,027 senga lei a ni.