KTP Member zingah biak In-a inneih tam

Mizoram Synod hnuaia Kristian Thalai Pawl (KTP) Member zingah nikum chhung khan Biak In hawnga Inneih mi 1577 an awm a, za zela 46.53% niin hmundanga Inneih mi 1812 an awm thung.

Central KTP tarlan danin nikum chhunga an member Inneih mi 3389 zingah hian hmundanga Inneih an tam zawk a, tunhnai kum 5 chhungah pawh hmundanga Inneih tam zawk vekin kum 2023 khan Inneih 3460 awmin Biak In hawnga Innei za zela 44.54% an awm a, Hmun danga Innei za zela 55.46% an awm thung a ni. Kum 2022-a Innei 3839 zingah Biak In hawng za zela 47.41% an awm a, hmun danga Innei za zela 54.00% awmin kum 2021-ah Innei 3836 zingah Biak In hawng za zela 47.31% leh hmun danga Innei za zela 52.69% an awm a, kum 2020 khan Innei 3682 awmin Biak In hawng za zela 44.30% an awm a, hmun danga Innei za zela 55.70% an awm thung a ni.

Central KTP tarlan danin kum 1990 atanga nikum 2024 inkarah za zela 39.83% te chu Biak In hawnga Innei an awm laiin hmundanga Innei za zela 60.21% an awm thung a ni.