Huamhalh fal lo turin ngen

Food, Civil Supplies and Consumer Affairs Department chuan tuialhthei harsatna thleng chho mekah huamhauh fal awm lo turin an ngen. Nimin a thuchhuah an siamah FCS&CA Department chuan National Highway-6/306 that tawk loh avanga bungraw phur lirtheite'n harsatna an tawh mek leh pawl thenkhatte'n nawrh an huaihawt chungchangah nitin mamawhah harsatna mipui te'n an tawh loh nan Sawrkar chuan theihtawp a chhuah reng tih an sawi a. Furpui intan hmain FCS&CA Department chuan ngawrh takin Monsoon Stocking a kalpui avangin buhfai sem kawngah harsatna a awm loh thu leh Tuialhthei pawh stock a awm thu tarlangin, District dangah pawh District Administration-te hriatpuina hnuaiah stock vil chhunzawm reng a ni tih an sawi a. Hetiang a nih lai hian mipuite pawh mamawh ve dangte hre reng chunga oil mamawh lamkhawm kawngah huamhauh fal awm lo tura ngenin, Mipuite'n harsatna an tawh loh nan Sawrkarin theihtawp a chhuah mek zel tih an sawi bawk.