Hnahthial District-ah thubuai 30 ziaklut tawh

Hnahthial District-ah kumin chhungin Police ten pawikhawihna hrang hrang kaihhnawih ah thubuai 30 an ziaklut tawh. Nimin khan Hnah-thial SP Shivam Siddharth kaihhruaina hnuaiah Hnahthial District Executive Force (DEF) huamchhunga Police Officer te chuan Crime Review Meeting an nei a, he huna tarlan a nih danin kumin January atanga July 23 thleng khan Hnahthial District-ah Police ten thubuai 30 ziaklut tawhin heng zingah hian rukruk leh kaihhnawih tam berin Burglary-ah thubuai 9 ziaklutin mihring 15 man an ni a. Theft-ah thubuai 7 ziaklutin mi 6 man an ni bawk. ND&PS kaihhnawih ah thubuai 5 ziahluh niin mi 8 man an ni a, lirthei chetsualna (mihring nunna channa) thubuai pakhat awmin Hurt, Cheating, Rape, Mischief leh Forgery-ah thubuai pakhat theuh ziahluh a ni bawk.