National Broadcasting Day pualin thuchah sawi

Nimin July 23, 2025 kha ‘National Broadcasting Day’ a ni a, Akashvani Director General, Dr. Pragyapgaur chuan he ni pual hian Akashvani ngaithlatu zawng zawngte chibai bukin Akashvani in a tum ber - mipuite hrilhhriat, zirtir leh rimawi hmanga awmtlei kawngah hmalak chhunzawm zel a nih tur thu a sawi.

    National Broadcasting Day puala thuchah a sawi ah Akashvani Director General, Dr. Pragyapgaur chuan ramchhunga Radio Broadcast hmasa ber chu Bombay Station atangin Private Company, Indian Broadcasting Company hnuaiah pekchhuah a ni tih sawiin, kum 1936 June ni 8-ah Indian State Broadcasting Service chu All India Radio (AIR) tih a lo ni ta tih a sawi a. Central News Organisation (CNO) chu kum 1937 August khan din niin hemi kum vek hian AIR chu Department of Communications hnuaiah awmin, kum li hnuah Department of Information and Broadcasting hnuaiah a awm thu a sawi a. Hun a kal zel a, Radio in ngaihhlut hlawh chho zelin kum 90-na hmel a lo hmu chu lawmawm a tih thu a sawiin, kum tin a hlutute an pun belh bakah khawpui leh thingtlang atangin ngaithlatu an awm chho zel chuan mipui te nunah nghawng pawimawh tak a nei tih a sawi bawk.